भारतमा घरेलु कामदार बसेका नेपाली जोडीले मालिकको हिराका गहना सहित २ करोड रुपैया लिएर फ’रार

काठमाडौं । भारतमा एक जनाको घरमा घरेलु कामदारका रुपमा बसेका नेपाली जोडीले सो घरवाट करिब २ करोड बराबरको धनमाल लिएर फ’रार भएका छन् । भारतीय मिडियाले भारतको हैदराबादस्थित एक घरमा काम गर्ने नेपाली जोडी २ करोड भारतीय रुपैयाँबराबरको धनमाल चोरेर फ’रार भएको जनाएका छन् ।

द न्यु इन्डियन एक्सप्रेसमा प्रकाशित समाचार अनुसार उनीहरु भारतको हैदरावाद स्थित एक प्रतिष्ठित ब्यवसायीको घरमा घरेल कामदारका रुपमा कार्यरत थिए । घरजग्गा व्यवसायी ए नरसिंह रेड्डीको घरमा घरेलु कामदार बसेका नेपाली जोडीले नगद, गहना र विद्युतीय उपकरण गरेर २ करोड भारतीय रुपैयाँ बराबरको सम्पत्ति लिएर फ’रार भएको दावी गरेको छ । उनीहरु आइतवार देखि सम्पर्क विहिन छन् ।

माल्काजगिरीका डीसीपी रक्षिता के मुर्तीका अनुसार फरार नेपाली जोडीको खोजी सुरु गरिएको छ । त्यसका लागि प्रहरीले छुट्टै टोली खटाएको छ । छोराको विवाह भएका कारण ब्यवसायी जोडी पार्टी प्यालेसमा तयारीमा जुटेका थिए । त्यसैले घरको सबै जिम्मेवारी उनीहरुले नेपाली जोडीलाई दिएा थिए ।

गत जुलाई २९ अर्थात् आइतबार राति रेड्डीका छोराको विवाह निश्चित भएको थियो। त्यसका लागि उनको पूरै परिवार फलाकनुमा प्यालेस गएका थिए ।

त्यही मौकामा उनीहरूले सुन र हिराका गहना, विद्युतीय उपकरण र पैसा गरी २ करोड भारतीय रुपैयाँ बराबरको धनमाल लिएर फ’रार भएको पी’डित परिवारको दाबी छ।