राष्टिय संचारकर्मी नेपालको आयोजनामा गोकर्णेस्वरमा नाचगान गर्दै कलाकारहरुको भब्य धान रोपाइँ

संस्कृति प्रवर्धनको उद्देश्यसहित कलाकारले धान रोपाइँ गर्दै राष्ट्रिय दिवस मनाएका छन् । लोक संचारकर्मी नेपालले गोकर्णेश्वर ७ शिवचोकको फाँटमा आयोजना गरेको धान रोपाईं कार्यक्रममा उनीहरूले सहभागिता जनाए ।आइतबार देशभर धान दिवस र दहीच्युरा खाएर असारे १५ मनाइएको छ । यो अवसरमा गोकर्णेश्वर नगरपालिकासँग मिलेर कलाकारले धान दिवस मनाएका हुन् ।

आयोजित कार्यक्रममा लोकगायक तथा संगीतकार नारायण रायमाझी, गायक बद्री पंगेनी, नवीन पौडेल, सरोज लामिछाने, राष्ट्रिय लोक तथा दोहोरीगीत प्रतिष्ठानकी अध्यक्ष रीता थापा मगर, गायिका मञ्जु पौडेल, बाल गायिका आयुशा गौतम, अभिनेत्री एलिजा गौतमलगायतका कलाकारहरू त्यहाँ पुगेर धान दिवस मनाए।

कोही कलाकाररू खेतमा पसेर धान रोपे। कसैले सांगीतिक प्रस्तुति दिए। कलाकारहरूको प्रस्तुतिमा किसानसँगै स्थानीयहरू पनि रमाए।दहीचिउरा खाने दिनका रूपमा समेत लिइने असार १५ कलाकारहरूले पनि विशेष रूपमा मनाए। गोकर्णेश्वर नगरपालिकासँग मिलेर यो धान रोपाइँ कार्यक्रम गरिएको थियो। नेपाल कृषिमा आत्मनिर्भर हुनुपर्छ भन्ने सन्देश दिन वर्षेनी रोपाइँ उत्सव मनाउँदै आएको आयोजक लोक संचारकर्मी नेपालका अध्यक्ष चन्द्रमणी गौतमले बताए।