ओम चाबहिल डेन्टल हस्पिटलद्वारा मनास्लु वर्ल्ड कलेजमा दन्त शिविर आयोजना हुँदै

काठमाडौं। ओम चाबहिल डेन्टल हस्पिटलले आगामी शुक्रबार, २३ गते मनास्लु वर्ल्ड कलेजमा दन्त शिविर आयोजना गर्ने भएको छ।

शिविरमार्फत विद्यार्थीहरूलाई दाँत तथा मुखको स्वास्थ्यसम्बन्धी जाँच र आवश्यक परामर्श प्रदान गर्ने उद्देश्य राखिएको छ।

यसैबीच, दशैं तथा तिहारलाई लक्षित गर्दै हस्पिटलले दाँतको उपचारमा विशेष छुट अफरसमेत सार्वजनिक गरेको छ। उक्त अफरअन्तर्गत दाँतको उपचारमा २० देखि ५० प्रतिशतसम्म छुट उपलब्ध गराइने हस्पिटलले जनाएको छ।

दाँत तथा मुखको स्वास्थ्यमा देखिने समस्याको समयमै पहिचान र उपचार गर्न तथा चाडपर्वको अवसरमा सहुलियत दरमा दन्त सेवा लिन हस्पिटलले सबैलाई आग्रह गरेको छ।