चर्चित गायिका सिता राना मगरको तीज बिशेष गीत “आहा मेरो राजै” सार्वजनिक

काठमाडौं। नेपाली सांगीतिक बजार संगीतमय बन्दै गएको छ। पछिल्लो समय एकपछि अर्को गरेर नयाँ नयाँ गीतहरु सार्वजनिक भईरहेका छन्। हिन्दु नारीहरुको महान चाड हरितालिका तीज आउन बाँकी नै छ। तर पनि तीज गीतहरु आउनेक्रम जारी छ।

सोही क्रममा चर्चित गायिका सिता राना मगरको तीज बिशेष गीत “आहा मेरो राजै” सार्वजनिक भएको छ। यस गीतमा सिता राना मगर र ऋषी खड्काको स्वर रहेको छ भने सिता राना मगरको शब्द, ऋषी खड्काको संगीत तथा थेगो रहेको छ।

सो गीतको भिडियोलाई मुकेश नेपालीले निर्देशन तथा कोरियोग्राफी गरेका हुन् भने बुद्ध थापाको छायांकन र नबिन घर्ती मगरको सम्पादन रहेको छ। उक्त गीतको भिडियोमा बिमल अधिकारी र स्मारिका ढकालको अभिनय रहेको छ। गीतको भिडियोलाई सिता राना मगर कै युटुब च्यानलबाट सार्वजनिक गरिएको हो।

सधै मेला तथा महोत्सवहरुमा ब्यस्त रहने उनै गायिका सिता राना मगर राष्ट्रिय लोक तथा दोहोरी गीत प्रतिष्ठान नेपाल कि केन्द्रिय सह-सचिब समेत हुन्। सिता राना मगर हरेक संघ संस्थाहरुमा पनि आबद्ध रहेकी छिन्।

तीज बिशेष गीत आहा मेरो राजै गीतको भिडियो हेर्न तलको लिंक क्लिक गर्नुहोला।