आठ महिनासम्म जेलमा बसेर रिहा भयो कुखुरा

तपाईले गलत काम गरेका मानिसहरुलाई जेलमा राखेको थाहा पाउनु भएको छ होला ? के तपाइले कुखुरालाई जेलमा राखेको सुन्नु भएको छ ? तपाइलाई पत्यार नलाग्ला तर एक कुखुरा आठ महिना जेल बस्न परेको छ ।

पाकिस्तानको सिन्ध प्रान्तको घोटकी जिल्लामा रहेको एक कुखुराले त्यहाको स्थानीय अदालतले ६ महिनाको जेलका राखेको हो । ८ महिना जेलमा बसेपछि मात्र कुखरालाई रिहा गरियो ।

भाले जुधाईको खेल भइरहेको ठाउँमा प्रहरीले छापामारीको क्रममा मानिस सहित कुखुरालाई पनि नियन्त्रणमा लिएको थियो । उक्त कुखुरालाई कोही मेरो भन्दै नआएपछि जेलमै राखियो ।

स्थानीय बासिन्दा जफर मिरानीले सिभिल जजको अदालतमा प्रहरी हिरासतमा रहेको आफ्नो कुखुरालाई मुक्त गर्न अदालतमा मुद्दा हालिन् । त्यसपछि कुखुरा उनको रहेको पत्ता लागेपछि कुखुरा उनलाई नै फिर्ता गरियो ।